決心 . 逆轉 . 後悔

雖然最後都搵唔到, 但今日總算完成之前得個講字既返大學搵final year project既工作...有個答案都好既...

尋日總算為自己定下今後既方向, 雖然未必0岩(仲可以話有D阿Q), 但勉強黎講總比繼續自怨自艾好既...

尖沙咀...差不多既地方...兩年前既自己...今日既我... 角色倒轉... 諷刺得很...

上星期五睇左張學友既電視訪問, 主持問佢有冇後悔呢幾年推左咁多戲, 佢話決定左就唔會後悔... 當時電視上既佢好有說服力, 一D都唔似扮大方...

其實道理就係咁簡單, 但究竟我要幾時先可以做到呢個境界呢?

好轉

上星期六熱就熱左d...bbq又冇咩好食, 不過都唔錯, 夜晚既淺水灣唔錯, 仲有機會玩0下n年冇玩既風箏tim~令之前dum dum地既心情好左d...

突變 . 衝擊

一向自己0向工作上都沒有太大既波動及煩惱, 人事關係又唔複雜, 係我喜歡現時工作既原因, 諗唔到依家就連自己認為最穩定既工作都變得唔明朗, 今後發展吉凶未卜...唔通"休息"得太耐, 係時候諗諗自己既出路? 但可能就因為休息得太耐, 依家唔想諗太多, 煮到黎就食啦...其實我知...我又一次選擇逃避者...

今日又一次領會到"她"既威力... 我諗"她"都估唔到, 一首歌詞, 已足夠令我心情再一次跌入谷底...
忽然覺得可以選擇逃避都總比自尋煩惱幸福...

調整 . 醒覺

經過一團糟既星期日後, 今日心情總算正常番d...起碼終於訓番夠本...好耐未試過訓咁飽啦~

0向熱血既帶動下, 本來諗住好好改變自己既生活, 但結果都係"的"唔起心肝開始...仲有愈來愈heir同peir趨勢...

歸根究底, 問題始終0向我度...只不過係等我幾時醒者...

幸福之瞬間 . 熱血之覺醒

一個電話, 一個短短既聚會, 輕鬆既氣氛, 令我暫時忘記晒之前既不快同鬱悶...但聚會過後總要面對自己一路都唔願意接受既現實...

藉住"佢"既間接既影響, 久違左好耐既"熱血"又再燃燒起黎, 忽然好想改變一下自己既生活, 唔想再困死自己...

開始

以前都諗過整個自己既homepage, 但始終都鬥唔過三個字— 怕麻煩…

無心插柳, 今日終於有自己既地方寫0下野, 0向度要多謝"佢"…

Anyway…總之就開張大吉啦~