悼念黃霑先生......

悼念黃霑先生......

短期連載 – 阿康x音樂

一直以來我都沒有固定喜歡的歌手，不論是大路的商業情歌，還是冷門歌手的另類歌曲，甚至是連歌詞也聽不明的日文或韓文歌，只要是我覺得好聽，我便會"煲"。而這種"雜食性"的聽歌取向一直持續到大學，直到我遇上一把能感染我的獨特聲音，來自台灣的唱作人 - 陳綺貞。

其實自己接觸到陳綺貞的歌也是一件很偶然的事，相信有很多人也有類似的經驗 – 呆在家中看電視兼玩遙控… 結果按到有線MTV台，聽到的是"還是會寂寞"，結果就一聽上癮…

而有一些歌，不論任何時候聽都會令我覺得非常醒神，對於長期處於「亞睡眠狀態」(非官方解釋：一種集呆及半夢半醒的狀態)的我來說，這些醒神歌就份外重要，以下為我心目中Best 10的醒神歌，排名不分先後：

1. La La La Love Song @ 久保田利伸
雖然話排名不分先後，但呢首真係唔放第一都唔得，其實「悠長假期」都做完N年，但呢首歌次次聽番都仲咁醒神。如果係撞正風和日麗去camp或其他戶外活動既日子聽，就更加完美，包保你「未出發、先興奮」。

2. 1234567 @ 陳綺貞
陳綺貞三張專輯的快歌中，個人最喜歡的一首。

3. 下午三點@ 陳綺貞
雖然楊千樺也有改篇這首歌，但效果沒原裝的好。

4. 我愛班房(Band房版) @ At17
絕對是香港女子組合中最靚聲的，可惜的是很多人都喜歡用眼代耳去"聽"歌，她們和音更是一絕，是陳綺貞外，我的另一心水選擇。

5. 女扮男生@ At17
其實在她們第二張專輯還有一首叫"金魚歌"也相當"搞計"，值得一聽。

6. Sunflower Girl @ Drummania Soundtrack
大約只有兩分鐘的歌，但其”提神”程度絕對不比La La La Love Song遜色，屬我的第二最愛。

7. Candy Girl @ Hitomi
喜歡這首快歌的編曲和旋律，Hitomi的聲線也很夾，是她眾多快歌中我最喜愛的一首。

8. 雨後陽光@ 許志安
個人認為華星時代的安仔比現在的好，不論快歌慢歌也是以往較佳，以提神效果而言，雨後陽光絕對拍得住La La La Love Song。

9. 最完美的畫面@ 許志安/ Cross Road @ Mr. Children
不論原裝及改篇也相當有水準的一首醒神歌。

10. Space Boy @ Initial D Soundtrack
從1-9位睇出，小弟所偏愛的多都是清新輕快的中快板歌，反而節奏強勁或較Rock的則不是我那杯茶 (雖然這些歌的提神威力較強及直接，但其實有時提神和吵耳也只是一線之差…)。但凡事總有例外，Space Boy就是少數節奏強勁而又非常順耳醒神的歌，其實整隻Initial D Soundtrack的編曲也相當不錯，歌曲與歌曲間的Interval極短，一氣呵成，其他歌如”Night of Fire”、”One Night in Arabia”也相當不俗。

下次再講Best 10 慢歌…

不日上映 . 船河再體驗

11月10日
唔覺唔覺，都成個兩個月冇update，其實呢兩個月裡面都有d想記低既事，但奈何惰性太強，到今日先的起心肝打字…之前仲興致勃勃想打篇日本旅遊見聞，但用文字記下6+1日既見聞對我黎講實在係太大工程…唯有改為不日上映吧…

-----------------------------------------------------------------------------------------------

9月12日

上次精彩船河後，小弟一直蠢蠢欲動想再找機會出海，可惜Edmond(上次既其中一位搞手)已覆我今年唔會再搞多次…正在頭痕之際，另一朋友問我有冇興趣去船河，仲保證有wakeboard玩，於是我二話不說就應承去，但估唔到今次正正係上次既相反…

天氣方面，落足成日雨，不過幸好唔係大雷雨，一切水上活動如常舉行… 更"裸"(display唔到，唯有用同音字)景既，係全日唯一有太陽既時間就係我地回程果陣…

人腳方面，由於今次係同兩位朋友一齊去，所以都唔會有怕”生保”既問題，唯一怪怪的就係因天雨關係，所有人都於船艙內玩啤打牌，雖然是迫於無奈，但感覺總係怪怪地…

而成程最精彩刺激而又值得一提的，當然係水上活動時間，首先係第一次玩香蕉船，其實香蕉船都幾好玩，有速度感之餘又考技術同默契…但和傳聞不同，香蕉船最好玩既並唔係”撻”落水果一下(其實當你準備姿勢唔好既話，落水果下都幾”甘”)，反而我覺得同拍擋控制佢唔”反”果下仲好玩，幾有挑戰性。

玩香蕉船固然刺激，而另外仲”刺激”既，就係一面行雷閃電，一面玩…小弟唔係理科出身，唔識分析0向咁既情況下比閃電打中既機會率有幾大，但身處茫茫大海，眼見四周不時斷斷續續出現平時只有在Discovery Channel看到的閃電場面，都不禁有d疑慮…只不過我見船家全冇懼色，心想：「又唔係佢玩，佢冇理由明知危險都博架? 」，於是就放手一搏，結果都可以全身而退…

午飯過後，正係我望穿秋水既Wakeboard時段，但同我一樣諗法既人實在太多，結果都係要等好耐先有得玩…但我知道等待係值得既，因為…我終於起到水啦，呢次仲要係一take過…(唔好意思，大家就忍受下比我認下叻啦，因為真係冇咩幾何…) 起水果一刻既成功感同充實感真係相當之正，好耐好耐都未試過咁興奮，果種感覺真係好難忘…就係因為呢種感覺，我已經對Wakeboard著左迷，不過可惜要等到下年夏天先可以再玩Y…

好睇過戲 – The Apprentice 飛黃騰達

11月9日

一個集勾心鬥角、鬥智鬥力、商業智謀、奢華生活、盡顯人性醜態、情節峰迴路轉、結局出人意表既"真人Show"， 誠意推介比大家，保證好睇過"金枝慾孽"多多聲。

Hard sell? 唔信自己睇睇，如果係打工仔既你就一定特別有共鳴，重會塞錢入你袋…

逢星期六 8:30pm 明珠台 (逢星期五深夜重播上一輯)

「又」唔見野...

9月11日

我「又」唔見野啦…

係，繼上次唔見銀包後，我「又」唔見野啦…每次同朋友提起，佢地既第一個反應都係：「0下，你"又"唔見野啦？」，睇黎0向大家心裡面，「唔見野」已同我畫上等號…

今次唔見既係手提電話，仲要係0向巴士度跌…本來都打定輸數要買過個新既，但原來呢個世界仲有好心人，最後司機什左比站長，我就從站長度認領番…呢次真係大命…

日本極速瘦身之旅 - 前傳

8月22日

去到果邊咁多野食，極速瘦身既當然冇可能係我，而係我既銀包… 雖然肉痛，但終於能夠衝出香港，狠狠的大玩一餐，從新Reboot 0下自己，暫時放低晒之前自尋既煩惱，好好咁Relax一下…對能夠完成以上目標既我黎講，呢筆錢係絕對值得花。

其實由心動到行動的整個過程，只可以用一個趕字去形容，事發經過如下：

8月22日(Sun) – 睇見新假期有關日本花火大會既報道，並知道8月28號仲有一個大型花火大會，加上有大假未清，小弟已隱約feel到個身有d痕…

8月23日(Mon) – 放工去check下Travel Agent既package，4日3夜既package盛惠$3,400，價錢總算合理，已決定"去馬"，餘下只欠返公司睇下老頂批唔批假…

8月24日(Tue) – 老頂放人，已決定8月27號出發9月1號返，頭四日跟package，extra兩日住民宿，放工去買package，點知confirm後比人"咁"，先話冇機位要轉港龍，盛惠$550，到confirm完機位就話酒店冇房要轉，盛惠$200，結果成個原先$3,400既package變左$4,150…其實0向佢話要加錢轉酒店既時候我就已經諗過轉呔，奈何時間緊迫，假又請左，最重要既係我大半個人已經飛左過去，試問又點可以收手呢? 結果都係要乖乖比錢…不過我先後試過四次經呢d細Travel Agent買package，次次都唔係日期就係機票酒店有問題，下次都係幫襯番大旅行社好過…

8月25日(Wed) – 雖然星期五就要上機，但滋滋陰陰既我仲未開始什野同搵料，此時既我萬萬想唔到，呢種滋悠淡定既性格會為日後既旅程種下禍根…

8月26日(Thu) – 出發前一日，匆匆忙忙於收工後搵花火大會同唔同check point既料，之後照舊約老死出黎食飯吹水，最重要當然係問friend班數碼相機同大背囊，但衰淡定既我只係班到數碼相機，整定我呢個旅程一定要拎餐死…而需於聽日7:10am上機而完全未什野既我依然淡定，同老死於呼吸cafe吹水到2點幾至打道回府…返到屋企，基本上係冇得訓，沖涼什野後都成5點幾，之後就一仆一碌咁出發，開始我銀包既極速瘦身之旅…

處男下海 – 船河初體驗

8月1日

一向覺得自己與水上活動絕緣，原因是小弟乃旱鴨子一名，再加上朋友圈子中比較少人搞這類節目，所以依家一把年紀至”處男下海”，0向度真係要好好多謝邀請我去既Maggie同Edmond。

講番個船河，個人認為這次是一次相當舒適、招積、出色、超級超值之旅。首先係天氣，藍天白雲、天朗氣清，雖然好曬，但遇正想曬黑既我就0岩0岩好…

其次係人腳，小弟一向怕social(其實係小弟怕”生保”…)，而今次好在成程冇騎呢怪，加上同我傾計既”生保人”都只係適可而止，吹幾句水果隻(又或者同行既男士(包括我)既注意力都被一眾熱力迫人既靚女奪去掛…)，基本上成個setting可以比我想靜就靜，想搭爹就搭爹，Perfect！另外要讚既係搞手們安排妥善之餘又玩得，先有一眾水上活動設施，連沙灘排球、”口立什”等星什野一應俱全，另外又會搞0下氣氛，玩0下野咁，幾過癮…不過最感動既就係原先諗住唔識游水既我最壞既情況係完全冇得玩所有水上活動，一味曬，點知先有快艇載我與船中幾隻旱鴨子到沙灘join大隊玩，再有回程前extra round既wakeboard，簡直係超額完成…

不過其實之前都唔太敢玩wakeboard，雖然都知道救生衣好可靠，但始終都覺得唔怕一萬…就0向我一早諗住放棄之時，同Chris(其中一位”生保人”)傾開計，傾傾?先知到原來佢都係”旱鴨子”，但佢就一早舉手話玩wakeboard…佢同我講之前都玩過好幾次，一d都冇問題，我見佢咁有信心，心中既顧慮當堂冇晒… 0向度要特別多謝Chris，令我可以初次體會玩wakeboard既樂趣，雖然試左5次都起唔到水(唔係死橕…有兩次真係差些少咋…)，但wakeboard真係好好玩，下次有機會一定再試，仲一定要上到水…可惜既係當日我與我既”啟蒙老師”阿Chris各有各忙，未有機會再傾幾句熟絡下…

大會既膳食安排都唔錯，當然唔會話大魚大肉果隻啦，但都幾豐富，仲食唔晒tim…先有大量薯片等”口立什”及多款野飲供應，正餐有雞粥、炒麵、炒烏冬、雞翼腸仔、魚旦牛丸、三文治，但最正既都係冰凍西瓜同芒果布甸，大熱天食冰凍西瓜固然一絕，但都遠遠不及芒果布甸正，個布甸係其中一位叫”阿九”既搞手handmade，仲要足料到芒果多過布甸，0岩晒我呢個芒果”fan屎”，又好食又有Heart…

其實重有好多好正既人同事，好似今次既主角 - 好靚仔既船啦、好Nice既艇家一家啦(阿爸爸同哥哥係我既Wakeboard教練)、水清沙幼既浪茄沙灘啦、全程搞笑又玩得既Eric同佢既女性分身Erica啦、影足全程既大會攝影師Edmond啦、回程時海同天連成一線既靚景啦…時至今日諗番都覺得好正…

講左咁耐，都未講價錢…成個舒適、招積、出色、超級超值之旅都只係$230，簡直係抵到爛… 要總結成個船河，唯有套用”著名”足球評述員黃興貴先生的名句 - 一個字”精彩”…(唔明既問0下身邊睇波既朋友啦~)

生日提示 . 苦澀

7月16日

Happy Birthday…

一如以往，晚上上網開ICQ，立即聽到一個生日提示，究竟是誰快將生日呢？一Click之下，整個人不禁一呆… 原來是”她”的生日 - 一個曾是我萬分期待、充滿盼望而又忐忑不安的日子，一個曾是我認為是全年最重要又巴不得快點到來的日子。 就連我自己也感到驚訝，這麼重要的日子，我竟然忘記了… 是我終於放得低嗎？

不用細想，答案不到兩秒便已出現… 就如錄影機的自動播放功能一樣，一幕幕往事就於收到message後瞬間湧現，佔據我的思緒，其速度之快，震撼力之強，已超出我可以控制之範圍…在收到message後不足10秒，我便正式宣佈"失守"，再一次進入漫長的懊悔及自怨中…

一個message而已，為此而失落也太無出息了吧? 但更失敗的，是之後我竟又再犯了上年的錯，換來是冷淡的回應… 是我太不了解你? 是我自視過高? 或是你已看穿了我?

不管原因為何，眼前最重要的，還是儘快調節好自己的心情吧…

好壞消息各一則

7月4日

好消息 - 小弟有幸成為同輩間第一位領取智能身分證的"幸運兒"

壞消息 - 小弟於7月4日乖坐小巴由佐敦往屯門時遺失銀包一大個…內有:

身分證 - 價值$398
回鄉卡 - 價值$400 (最慘係放左0向銀包咁耐，都只係用過一次咁大把…奉勸各位都係有需要先袋落銀包…)
百達通 - 價值$? (都唔記得用剩幾多錢…不過買張新既就要$150)
提款卡, 信用卡 - 補領免費
星星什什各類會員卡 (都冇咩心情去補領…)
中學玉照幾張
呼吸Cafe會員卡 - 價值$? (唔記得用剩幾多錢…買張新既就要$200)
巴黎Cafe會員卡 - 價值$0 (小弟再冇打算幫襯呢檔野，所以相對黎講係冇損失…)
現金 - 好在果日0岩0岩去完街，都係淨翻幾廿蚊者…

以上價錢，再加上要買新銀包，大大話話成千幾銀，你話唔肉痛就假既，再加上唔見銀包帶黎既精神打擊令我果晚成晚失眠，而第日晨咁早就要仆出去搞補領身分證…就算返到公司，基本上成個人全日處於"元神出竅"既狀態…總之呢鑊真係"甘"…

To 什/偷左小弟銀包的人/賊:悉心希望閣下之一時貪念是源於失業多時的你家中有年事已高身染重病的雙親要供養之餘，也常常為妻子及仔女的開飯錢而頭痛，願本人銀包內微薄之現金能助你舒緩現時困境…

7.1

7月1日

7.1 – 對香港是一個特別的日子, 對我也是…

去年的這個時候，穿起黑T恤的我，和友人花了兩個多小時擠進維園，為的是表達對現狀的不滿。在酷熱的天氣，擁擠的人群中，四周高漲的氣氛裡，我心裡想著的只是和”他”同行的你…好想知你在那裡，在幹什麼，辛不辛苦，一向怕熱怕人擠怕運動的你會否吃不消… 打了好幾通電話也接不上，也難怪，50萬人也可能在使用電話嘛，只好等候你的來電… 晚飯後，收到你的電話，訴說著今天的種種，說呀說，一直由荃灣說到屯門，說到家樓下的公園，像是有說不完的話題似的，大家也不願掛線，直至說到我手提電話的電池吃不消為止… 可能對你來說是不值一提的稍事，但對我來說，那卻是我難忘的回憶…

今年這個時候，穿起街坊裝的我，坐在電腦前，花了個多小時打字，為的是嘲笑自己的不濟吧…沒有上街、沒有遊行、沒有目標、沒有電話可打、沒有你的消息，只有去年那難忘而今卻是苦澀的回憶伴著我…不得不承認我此刻還在想著你，心裡還想知你在那裡，在幹什麼，但此刻我就連朋友式的問候電話也沒有勇氣打，害怕的就是知道你現在與"他"同行，還訴說著"他"的種種，那無疑是對懦弱的我最大的懲罰…

本週球壇”精選” – 傑志 VS AC米蘭

5月30日

與朋友入場睇AC米蘭對傑志的賽事, 其實當初對此賽事興趣不大, 一來票價頗貴(理想位置要成$350位), 而馬甸尼及舒夫真高又不是我杯茶, 但在朋友的"鵝功"及得知我的前度偶像薜洛尼會落場後, 最後還是要乖乖比錢…

到達大球場後, 本來對現場氣氛還有一絲寄望, 但在甚焗的天氣底下於只得半滿的大球場看著一隊"渣流"的AC及立心發揮"郭家明"式足球精粹 - 大打穩守突擊的傑志, 跟本難以有甚麼"氣氛"可言…更慘既就係我偶像薜洛尼於上半場只列作後備, 令一心睇偶像既我大呼無癮, 而攻勢寥寥可數的上半場結果以0比0悶和收場…而我對上半場既評語就係 - %#@$&!%#@&#!!!

下半場開波冇耐, 全場觀眾期待己久的入球終於出現, 仲係來自舒夫真高, 而沈寂多時既我終於可大聲歡呼一番, 而冇幾耐傑志又追返1比1, 全場氣氛瞬間又再高脹起來, 正當期望AC會發力狂攻之際, 原來他們已經"冇貨交"…

在換入後備後, AC原先"散修修"既隊形更見走樣, 直情係攻都攻唔起果隻…最慘不忍睹的就是我偶像雖然於下半場落場, 但就連掂波既機會都冇, 作為一個理性既球迷, 本不應對一個處於退休年齡既球員存有太多既寄望, 但起碼有起腳都好Y… 眼見自己偶像成個下半場掂得果10腳波都冇, 仲要冇射門, 成場"陪跑", 個心真係幾灰0下…

而傑志不愧為本地球壇"班霸", 面對腳仔軟既AC, 終於再下一城, 已2比1既比數擊敗AC米蘭, 自南華擊敗世界冠軍球隊聖保羅後, 再為郭家明式足球及香港足球寫下光輝(?)一頁…是次"歷史性"的勝利, 除了要歸功於傑志一眾職球員及一班"忽然傑志"的本地及"老外"球員外, 本人深信以下單位也"功不可沒"…排名不分先後:

1. 楊其龍及Dragon-i全體員工
2. 5月30日蘋果日報港聞版所提及的"數名金髮及黑髮女郎" (雖然本人都唔知點解球星獵豔會落港聞版, 但相信"她們"會是球員腳軟既主要原因…)
3. 亞洲電視全台員工及他們在亞視台慶的"精彩"表演 (小弟睇左10分鐘都頂唔順要轉台, 試想想一眾要睇足成場"精彩"表演的AC球員的心理狀態是如何?)
4. 將呢隊拉雜成軍既AC捧到上天台既香港傳媒

雖然小弟有幸見證是次香港球壇的"歷史性時刻", 賽後亦大方(阿Q?)地向問我「比咁多錢入場睇值得咩?」的朋友表示「預左架啦, 志在感受現場氣氛者…」, 但老實講, 我唯一能"感受"到最精彩的"現場氣氛"就只有舒夫真高入球的那一瞬及身後數行全場"爆粗"的那位球迷所講的%*$##@&#吧…

假若有人再問我「比咁多錢入場睇值得咩?」, 我一定會答「回水呀! AC米蘭!! #$%^&**####」

回復魔法

5月27日

預先請了Annual Leave, 打算為近期精神狀態甚差的我進行"回復魔法", 令自己的HP及MP回復至正常水平, 繼續與工作和遺憾輪迴的漫長戰鬥…

是日行程如下:
12:00 起身, 在配備各種Item後, 換上一身Casual打扮, 前往第一個check point - 灣仔
1:30 到金鳳茶餐廳嘆我的早+午餐, 大大份的午餐包括有餐包, 火腿奄列, 同肉丁烏冬, 餐飲當然是我的最愛 – 冇冰奶茶, "支支陰陰"地嘆完餐後, the next station is Stanley~
2:30 於屈臣氏道具店購入太陽油及飲品, 然後往赤柱正灘進行主力mission - 曬太陽
5:00 成功完成任務, 而曬飽後既分支任務就係返銅鑼灣行街打機shopping, 最後於188商店購入心水T恤兩大件, 而"回復魔法"亦告功德完滿, 成功為自己差足HP及MP…

賀阿Moon添丁之喜 . 影評(2)

5月25日
大學朋友來電告知早前大肚"林dum"的阿Moon已於昨日生下6磅多靚仔一個~
0向度祝阿Moon添丁又發財, BB聽教聽話, 生生性性啦~

------------------------------------------------------------------------------------------------

假期前夕, 不甘寂寞的我在無計可施下, 最後選擇一支公走去睇史力加2, 結果也沒有令我失望, 相當"搞計"的一套動畫, 當中不少笑位都幾"到", 個人特別喜愛扮職業特工隊果幕, 另外貓仔扮可憐樣亦相當之正~ 而粵語配音的效果比我想像中好, 但相信英文配音會更正, 特別係唱歌既部份, 雖然粵語配音既工作人員好有心機咁將英文歌翻譯成中文, 但老實講, 效果真係唔多掂…

自討沒趣 . 魔鬼

5月19日. 夜

自討沒趣 - 說的就是這樣的一回事吧…

於ICQ裡問了"明知故問"的問題… 雖然已做足心理準備, 亦預到了99.99%的"正常"答案, 但當收到回覆時, 心裡還是不好受… 是我對那0.01%的期望太大, 或是我太執著呢?

罷了, 反正我自知不是當守護天使的材料, 與其做隻不倫不類的天使, 倒不如做隻犯賤的魔鬼, 繼續在"遺憾輪迴"中享受那自殘的快感吧…

好文推介(2) - 女人一致覺得讚的文章

獨樂樂不如眾樂樂

朋友forward過來的一篇文章, send給各方好友後竟得到不少朋友(特別係女性朋友)的共嗚, 有些更send給男友以作”提醒”, 既然如此, 不如貼出來同大家”分享”吧…

Subject: 女人一致覺得讚的文章

情境：
晚上十一點五分。熱線電話中。女人說得正起勁，男人不小心打了呵欠。

不懂女人心的例子：
女人（試探地問）：「你想睡覺了喔？」
男人：「對啊。今天上班好累。」
女人（故作體貼狀）：「好吧，不吵你了。快去睡吧！」
男人：「喔，好。那你也早點睡。」啪。男人掛下電話。
五分鐘後，電話鈴響。被吵醒的男人：「喂！？」
女人：「．．．．．．」
男人：「誰啊？」
女人（一肚子委屈狀）：「你是不是對我感到不耐煩了？」
男人：「啊？什麼？」（丈二金剛摸不著腦袋）
女人：「．．．．．．」
男人：「怎麼了啊？」
女人：「你是不是覺得我很煩？」
男人：「很煩？？為什麼？」
女人：「．．．．．．」
男人：「到底怎麼了啊？你不說我怎知道？」
女人：「人家講到一半，你就打呵欠，又自己先跑去睡覺．．．．．．」
男人：「可．．．可是，是你叫我先去睡的啊？」
女人：「你都說要睡了，不然我還能怎麼樣？」
男人：「唉！如果你要我聽你講話，就直接說嘛。幹麼叫我去睡，結果自己又在那邊生悶氣？」
女人：「我那有生悶氣？」
男人：「這樣還說沒在生氣？好啦好啦，下次我不睡了嘛。可以了吧？」
女人：「那有什麼意義？我要你自己心甘情願，想聽我說話才聽，而不是因為怕我生氣！」
結局：男人又多花半小時安撫對方。實際就寢時間：十一點四十分。加上先前爭執的緣故，睡覺時情緒有點悶。明天搞不好女人還會冷飯重炒一次。

深諳女人心的例子：
女人正在興頭上，男人打了呵欠。
女人（試探地問）：「你想睡覺了喔？」
男人（語氣雖然疲累，但表示出興致）：「嗯。有一點。今天上班比較累。不過你還沒說完啊，繼續說。我在聽。」
女人（得到安撫）：「喔，不過你累了。不然你先去睡好了。」（還是有試探意味。千萬不能中計，馬上掛下電話）
男人：「今天沒午休，的確比較累一點。不然明天早一點打給你，我們再聊久一點，好不好？」（解釋原因，並且提出補償）
女人：「喔，好吧。快去睡。你一定很累了。」（已經願意放你去睡覺了。不過打鐵趁熱，別停下來）
男人：「那你打算幾點睡？」
女人：「不知道，再過一下子吧。」
男人：「好啊。不過不要太晚睡，對身體不好。我會心疼耶。」
女人（嬌嗔狀）：「好啦。」
男人：「我最愛妳了。」（眼皮垮下了也要記得說，功虧一匱可就划不來了）
女人：「我也愛你。好好休息喔。」。（終於心花朵朵開了）
男人：「嗯。」啪。女人掛下電話。
結局：十一點十分，完美的句點。男人順利就寢。睡得香又甜。隔天說不定還有morning call。

結論1：女人要的是感覺。很多時候，不能用理性的腦袋去思考她們的邏輯。
結論2：多花幾句唇舌，講幾句貼心話，可以讓你省下超過半小時的寶貴時間。
結論3:遇到這種情況，要讓女人先掛電話。以免後患無窮。
結論4：如果你的女人不像上述例子這樣，那麼恭喜你。請好好珍惜她；如果你的女人和上述例子一樣，請別指責她「無理取鬧」。她要的其實很簡單。

大嶼山美食推介

補貼:
4月24日 – 久違了的戶外活動，與老死們齊齊去大嶼山踩單車食海鮮，除了瀑布變地盤及四處肆虐的飛蚊較掃興外，整天也相當輕鬆愉快，當中尤以阿正整天"英勇"的表現最為爆笑, 估唔到平時"牙斬斬"既阿正會有如斯弱點...

當晚的晚飯也相當精彩, 精彩的地方不在於其味道(老實講, 其實味道相當一般), 而是其"梗"的程度, 有幾"梗"? 請看當日菜單:
1. 椒鹽賴尿蝦
2. 豉椒炒蜆
3. 咖哩炒蟹
4. 椒鹽白飯魚
5. 避風塘茄子
6. 炸蠔餅
7. 西檸雞
8. 冬蔭功湯
9. 腐乳通菜

基本上除9之外, 味味都非常熱氣既一餐... 但奇就奇在食完之後小弟竟然可以"全身而退", 以冇飛滋冇暗瘡既成績去完成是次賽事, 認真難得...

好文推介 - Being Twenty - Something

幾到肉的一篇文章, "cup"自yantung的xanga page, 原文照錄:

BEING TWENTY - SOMETHING

They call it the "Quarter-life Crisis." It is when you stop going along with the crowd and start realizing that there are many things about yourself that you didn't know and may not like. You start feeling insecure and wonder where you will be in a year or two, but then get scared because you barely know where you are now.

You start realizing that people are selfish and that, maybe, those friends that you thought you were so close to aren't exactly the greatest people you have ever met, and the people you have lost touch with are some of the most important ones. What you don't recognize is that they are realizing that too, and aren't really cold, catty, mean or insincere, but that they are as confused as you.

You look at your job... and it is not even close to what you thought you would be doing, or maybe you are looking for a job and realizing that you are going to have to start at the bottom and that scares you.

Your opinions have gotten stronger. You see what others are doing and find yourself judging more than usual because suddenly you realize that you have certain boundaries in your life and are constantly adding things to your list of what is acceptable and what isn't. One minute, you are insecure and then the next, secure. You laugh and cry with the greatest force of your life. You feel alone and scared and confused. Suddenly, change is the enemy and you try and cling on to the past with dear life, but soon realize that the past is drifting further and further away, and there is nothing to do but stay where you are or move forward.

You get your heart broken and wonder how someone you loved could do such damage to you. Or you lie in bed and wonder why you can't meet anyone decent enough that you want to get to know better. Or maybe you love someone but love someone else too and cannot figure out why you are doing this because you know that you aren't a bad person. One night stands and random hook ups start to look cheap. Getting wasted and acting like an idiot starts to look pathetic.

You go through the same emotions and questions over and over, and talk with your friends about the same topics because you cannot seem to make a decision. You worry about loans, money, the future and making a life for yourself... and while winning the race would be great, right now you'd just like to be a contender!

What you may not realize is that everyone reading this relates to it. We are in our best of times and our worst of times, trying as hard as we can to figure this whole thing out.

(To Yantung: 如覺小弟"侵權", 請告知, 小弟定當delete此weblog...)

失敗...

唉...有口話人, 冇口話自己...呢次真係失敗...

It's possible~ (乞我憎廣告精選)

5月10日 - 坐巴士時發現"It's possible"廣告於Road Show內"重出江湖", 眉頭不禁一縐...
"天呀! 耳朵受罪的日子又再來臨..."

隨著Road Show愈做愈成功, 廣告也愈來愈多, 但節目質素卻愈來愈差, 也愈來愈Hard sell...

說回廣告, 其實廣告多也不是問題, 一些精彩的廣告其可觀性甚至比Road Show的節目還要高(就好像近來喜力的"Happy Together", 簡單而"頂癮",可惜Road Show沒有), 但不知道Road Show是否存心整古, 其"精選"的廣告往往是小弟覺得最"銀"眼及刺耳的, 更慘的是, 小弟家在屯門, 最短的車程也要半小時, 根本避無可避, 遇著車程長時仲要睇N次, 塞車仲慘...

以這個"It's possible"為例(其實係美國萬X贊助的小太空人體驗計劃), 其實以計劃本質而言, 這是一個很好的體驗, "It's possible"口號也簡單直接... 但請不要於15秒內重覆10次"It's possible"... 也不要選用一班牙尖咀利的"老人精"做代言人... 更不要用只應於ETV內存在的"朗誦腔"去讀"It's possible"及其他對白... 亦不要老人精們於說"It's possible"時配以伸手握拳的動作及擺出一副"懶得戚"的樣子...

如果這廣告的作用是希望令人難忘的話, 恭喜你, 你成功了! 就好像胃仙U系列一樣...惡頂而難忘...
有機會再同大家繼續"分享"其他"精彩"廣告...

(P.S. 其實最近Road Show的助助身茶廣告也相當惡頂, 係我見近年來最Hard Sell, 最假的廣告, 唔該你假得黎都真dY, 唔好當D觀眾係白痴先得架...)

譴責聲明

黎都火埋!!!

強烈譴責壹週刊莽顧傳媒良知, 於今期採用令人不安之封面, 更配上令人反感之標題!!!
影響市容之餘, 亦嚴重影響小弟本週之心情!!!

是日金句(2) . 射波仔

5月5日 - 是日金句:

"啞子食黃蓮, 有苦自己知..."

身為中間人既我, 0向兩邊不討好既情況下,結果都係要"打腫臉充胖子"...
最後慘被工作扣去70點精神力...

---------------------------------------------------------------------------------------

5月6日 - 藉著輕微的喉嚨痛, 意志薄弱的我決定今日"射波仔", 過了一個悠閒的下午...

是日金句(1)

是日金句:

"出得黎行,遲早要還..."

李家輝同學大婚之喜

4月9日 - 長假期的第一天，但實際都要返工，仲要比返工起得更早(5:45起身)，工作時間係朝7:30晚12:30，無良雇主係李家輝 - 我的小學及中學同學，「舖史」係兄弟 - 今次已經係我第二次做兄弟啦…

同上次唔同，上次既兄弟姊妹團人強馬壯，成日既rundown都有人follow，自己去到跟大隊就ok，今次雖然都有rundown，但人手就相應少，好多事都要跟足…好彩成日既rundown都相當順利，雖然有新郎哥既同事發難要同飲到「啤啤夫」既新郎隊酒，而在眾兄弟齊心協力頂酒下，家輝總算能夠全身而退…

破天荒組合 - 阿康 X 古典音樂

愚人節特備節目…

破天荒組合 - 阿康 X 古典音樂

相信朋友都知道，以我既嗜好同性格，基本上我同古典音樂係大欖都扯唔埋…但世事往往出人意表，在老頂(我上司)的「建議」下，我唯有乖乖就範…結果一如所料，在個多小時的音樂會裡，在大會堂舒適的座位加恰到好處的室溫下，我開始了我的「釣魚生涯」…

音樂會後，我亦獻出我第二個第一次 - 第一次搭天星小輪，於船上拿出MP3，聽著鄭融的「終生學習」，一度出竅的元神這時才正式歸位，音樂還是這樣的好…。

遺憾 . 解脫

2004年已過了四份之一，在新一年開始或生日等日子，人往往希望有一個新既開始…而在生日都過了一個多月既時候，我發覺我依然拘泥於過去既一個遺憾…日子就好像停留在那一刻、那段「對話」裡…

起初還以為自己能接受，但始終騙不了自己，我始終對過去放不低…雖然大家還有見面既機會，或偶然於ICQ「相見」，但到頭來都開不了口，唯有於見面時有意無意的走開，或於ICQ高舉Away的「免戰牌」…沒想到當初巴不得天天相見，到頭來連面對面說話的勇氣都沒有，可笑的是，無論我內心有多掙扎、多難受，到頭來也發現這只不過是我自編自導自演的一場苦情獨腳戲，女主角已開展新的故事，而我卻停留在之前令我心醉的「名場面」中，反覆慨嘆自己之不是，更可怕的是我已陷入一種半帶自虐式的思緒之中，腦海中不斷湧現「假如當日如果能這樣這樣…結局就可能會改寫」這種可悲又不切實際的想法之中…朋友都叫我放開一點，是的，我可以放開一時三刻，但只要一靜下來，無論可時可地可刻，「遺憾」這可惡的東西總會「慷慨」地把你整個人佔據、吞噬，避無可避。一句說話、一個地方、一件物件，這些曾充滿甜蜜回憶的物事，現在紛紛都成為將我扯入漫長「遺憾輪迴」的機關…

說了一大堆無出息、自顧自憐的話，但我明白我所需要的並不是別人的同情或體諒，畢竟歸根究底，這不過是我自己一手做成，怪不得任何人…我唯一需要的，就是盡快可以從這個天殺的「遺憾輪迴」中得到解脫…

領野

3月19日 - 起身時發覺自己「領野」-「占」寒「占」凍不但止，仲另加肚痾，其實尋晚個肚已經頂住頂住，但勢估唔到咁大鑊…如此情況下，本應順理成章地請sick leave休息一下，但不幸既係聽日公司有function，而我又未完成手頭要完成既部份，咪唯有仆番公司搞埋d手尾，好彩既係用左半晝已經ok晒，於是下晝就請假睇醫生，餘下既時間就連野都冇食，一路訓到第二日返工…粗略估計，我一共訓左15個鐘…「充足」既睡眠，再加上要戒口，依家成個人就好似reboot過一樣，睇黎係時候再「刷餐勁」既…

又一個老襯 . 影評(1) . 好想去旅行

3月14日 - 忽然結婚的朋友約了整班「鄧穿石」食飯，順道把未來老婆介紹給大家，由於「阿嫂」是北京人，她並不懂聽及講廣東話，於是大家便用唔咸唔淡既普通話交談，當中尤以「語言王子」- 阿正最為爆笑，在其帶動下，整個晚飯也在極搞笑既氣氛下渡過。

3月16日 - 與老友食飯睇戲，睇既係「阿sir0黎自樂人谷」（個人覺得呢個名好「橋口」，又怪，都係英文名School of Rock比較順口…），睇完個人覺得幾好睇，雖然套戲係講主角從混水摸魚到認真，然後被人揭發到失意，最後大團圓結局既典型橋段，但以ROCK去包裝就相當新鮮，班細路既演出亦相當討好，當然唔少得既係男主角七情上面既爆笑演出，相當輕鬆有趣既電影，誠意推介。

睇戲後到茶餐廳宵夜，談話間得知友人將於下星期出發旅行，而另一位則於星期五放假一天鬆一鬆…0向佢地既感染下，心內潛藏已久想旅行既意欲又在燃起… 可惜既係身邊朋友唔係冇假就冇錢，睇黎都係得個恨字…都唔知要幾時先可以「衝出香港」… 唉…

南Y島一日遊

3月7日 - 同事相約前往南Y島「行一轉」，過左一個健康又悠閒既星期日。我地一行五人先到茶餐廳醫肚，接住行精品店，之後食「阿婆豆腐」，然後行山影下相咁，最後就坐船出香港仔，食一碗出名既「山窿魚蛋米」，結束左呢個飲飲食食，行行逛逛之旅。

大開眼界 - 記巴黎咖啡店眼冤一夜

3月6日 - 上上落落, 頻頻僕僕於公司忙了大半日, 夜晚與一眾損友來一個久違了的BBQ, 相當不錯...假如沒有於BBQ後上了旺角的巴黎咖啡店的話...

或者係我太膚淺，係我太"OUT"，係我太聞塞吧... 但當晚於巴黎咖啡店所目擊的事件實在難頂...

其實旺角巴黎咖啡店已經好少去，因為隨住佢愈做愈旺、愈做愈大之後，佢D野飲質素愈來愈差...有幾差？依家我地上到去唯一會叫既飲品就係「凍檸樂」，上咖啡店飲凍檸樂，其他飲品質素之差可想而之。但當日同區飲開果幾間都冇位，我地又成棚人，結果冇選擇下唯有去巴黎...

因為巴黎要用儲值咭找數同落order，而0向我地d飲品到齊後，侍應小姐走過黎，用勁串、勁掘、勁晦氣既聲線配以極不滿意既神情講左句「你地張咭唔夠錢喎。」大約半秒鐘左右，我地大家都比佢突如其來既差態度嚇左一跳，但大家又唔想破壞氣氛，於是就當冇事比錢佢「增值」，大家都對呢個女侍應既態度都敢怒而不敢言...

未幾，一班大概20開頭打扮夠「潮」既「型人」0向我地後面坐底，其實好似佢地咁「潮」既人我都唔係第一日0向cafe見，所以大家都冇咩問題如常傾計，但之後最最最難頂既事就發生...

可能果班「潮人」覺得我話態度差果位女侍應「秀色可餐」吧，就當佢地落order果陣，佢地就使出混身解數去「聊」果位女侍應，當中無聊指數同廢「up」指數簡直「爆晒廠」，令我地一眾平民百姓汗顏，以下為「潮人」既說話節錄（其實如果可以選擇既話我寧願唔聽，但大家坐得太近，佢地又肆無忌憚...又或者佢地想我地見識下佢地d「潮人潮語」，塞錢入我地袋掛...）

「Miss呀，你呢度有咩好食呀？有冇d瀨尿牛丸茶架...我唔係咁識中文架，可唔可以話我知有咩好飲呀... 」「小姐你好香呀，噴左香水呢?」「小姐，點解你件衫上面個咀「申」條"利"出黎既？（佢地講緊既係呀「Miss」著緊既Rolling Stone標誌tee）」「小姐你好靚呀！」「小姐你做咩唔答我問題既，咁唔禮貌架播。」

以上收錄左「潮人」們所講既大概20份之1既說話，由於佢地有d內容重覆，而且可以不加思索地連綿不斷咁講，令我跟都跟唔切...不過講到最厲害既係佢地竟然可以反生理學地不經大腦而改用肺作為過濾說話既器官，一句講晒「真係能人所不能」。

面對「潮人」如狼似虎既攻勢，我暗地替侍應小姐擔心，「今日心情已經差架啦，仲要對d咁「健談」既客人」，我當時以為侍應小姐心內一定咁諗，點知...錯晒!!! 重係大錯特錯果種...

我發現侍應小姐不但對「潮人」既攻勢甘之如飴，更不時面露笑容，心情靚晒，同之前叫我地增值個樣簡直係兩個人。估唔到唔使上大陸都可以睇到中國傳統變臉藝術，又一次證明，女人/ 仔果然係令人難以捉摸...面對「潮人」滔滔不絕對「Miss」既攻勢，再加上我地燒完野食真係好倦，冇幾耐我地就散水...

事後諗起，雖然巴黎既飲品又貴又差，服務態度又一時時，不過當日巴黎之行實在令我獲益良多。

如果各位朋友有興趣同我去巴黎「自我增值」同見識什麼叫「潮」，或者想鍛鍊一下說話技巧，加強女人緣，又另者想比人「聊」，增加自信之餘，亦可見識傳統中國變臉藝術，歡迎聯絡小弟相約前往，小弟之儲值咭尚有一百八十五元之「入場費」...

03年12月至04年2月大事回顧 (下)

2月11日 - 慶祝生日第三擊，與兩位大學同學食飯慶祝，過了輕鬆既一晚。0向度要好好多謝做搞手又好記性既阿Moon，另外多謝Bonnie，你送既芒果蛋糕好正，抵你鋪頭好生意既~

2月21日 - 好耐未試過咁人齊既一日，齊齊落bar食飯睇波。頭盤有阿仙奴對車路士既大半場好波，同場同時上映曼聯對列斯，眼睛相當之忙...之後落cafe吹水飲野，席間得知又有中學同學會於四月「突擊」結婚，連今年年尾同下年年頭結婚既兄弟，睇黎愈來愈多同學會於呢一兩年內做「老襯」...

2月29日 - 毫無先兆之下，「侍奉」我年幾兩年既MP3忽然「跪低」...「有d野可能0向你身邊就唔多覺佢重要，要到你冇左先知」呢個老餅左少少既道理，我今次終於深深咁感受到...

相比用量極低既手提電話，MP3對我黎講反而更重要，誇張d講，MP3就係我既精神支柱，因為每都我精神萎靡，萬般不願踏上我返工之路時，MP3就係唯一提神醒腦既法寶，Lunch同放工都同樣管用。

第二日即刻打去代理問，佢就叫我Download個修復程式format過部機，一試之下，果然work喎，終於可以同部MP3再「再續前緣」。

03年12月至04年2月大事回顧 (上)

熟識我既朋友都知道我係一個超級懶人…屈指一算, 都成兩個月冇update, 更有朋友認為我到家陣都仲咁灰咁霉(雖然家陣都唔見得好好)。唔覺唔覺，又老一歲啦，不妨update下就黎發霉既Xanga page…

上回提要
2003年尾 — 正當自己染上「大節抑鬱症」而狂唱「聖誕結」之際… 結果在各方友好協助下， 聖誕、除夕同農曆新年都總算能全身而退…可惜最終都係功敗垂成…於生日前夕及情人節失手…

12月24日 - 平安夜同大學同學聚會，先睇魔戒3，雖然冇咩驚喜，但不失為一套好片。匆匆食過晚飯，剩低小貓四隻11點幾去蘭桂坊迫餐死，踏正零時，結果小貓四隻於唔上唔落既情況下，傻間間企0向蘭桂坊斜路中間，於四週一片亢奮既歡呼(?)聲中，胡里胡塗地進入了聖誕節…而當晚要數最印象深刻既，反而係晚飯後果杯雪糕，搵日要再去食過~

12月25日 – 聖誕正日, 思前想後, 終於決定出席好兄弟既朋友搞既聖誕party，希望破格一下，唔好成日困自己0向「安全網」內…

慶幸自己作出呢個咁「破格」既嘗試，自己並過左一個好玩又有驚喜既一晚…好玩既係各種瘋狂大懲罰同遊戲，雖然自己都係受害者，但好高興自己可以放低D無謂既自尊，全程投入當中，就算被罰成組落街唱歌跳舞都面不改容，我諗我自中學以黎都好耐未試過玩得咁「喪」，呢個亦都係當日比我最大既驚喜…而另一驚喜係黎自「忌廉大懲罰」，發夢都估唔到自己要面對呢種場面…

至於要數最爆笑既，當然係「廁紙盲俠」- 組員被罰落街用廁紙矇眼，不斷摸索並大叫「好辛苦呀，可唔可以幫我除左佢呀？」直至有途人幫你除左條廁紙為止…我諗呢個係我見玩大懲罰遊戲中最「絕」既一個懲罰…亦深慶自己果組能夠逃過一劫…而Party最後既交換禮物環節亦都繼承之前既好運，換得咕0臣一個，依家成為我屋企打機必備既Item，而同行既好兄弟就抽到火紅under一條…

0向度要多謝好兄弟既邀請，令我過左一個好玩又有驚喜既聖誕節。

12月26日 – 中學同學聚會，上同學屋企打邊爐另加交換禮物，換到精美木台燈一盞。

12月27日 – 中學老死聚會，多謝嘉明為大家炮製多款精美小食，等我地一眾餓鬼能盡享做大少既滋味…當然唔少得要多謝"無奈"地要為大家洗大餅既潮軒…

12月31日 – 先同媽子食飯賀壽，接著應朋友既邀請，出左老尖count down，其實自己不嬲不大熱衷除夕count down，但今年又唔想咁「奄悶」…最後大家去左shooter，裡面既氣氛唔錯，大家吹吹水、影影相，好快趣就12點，而0向一輪歡呼聲同由大會所派發既party喇叭既襯托底下，2004年終於來臨，亦都代表我又「heir」左一年啦…

1月2日 – 經過個多禮拜既假期後，我終於回到現實，0向強勁既holiday mood濃罩下，我開始左我2004年既第一個工作天…亦都熱切盼望農曆新年(下一個假期)既到來….

1月22 - 27日 – 大年初一當然係要拜年啦，但拜左半日就開始後勁不繼，仲愈來愈倦… 而年初二至六既時間就由麻將耍樂、睇戲、唱K、碌齡、打機、休息等節目瓜分…

2 月3日 – 約左好耐冇見既朋友食飯吹水，席間朋友大呻0向舊公司既非人待遇，聽完先發現自己少見世面…

2月6日 – 下午同事請飲茶同我預祝生日，但估唔到除左請飲茶外仲有意外驚喜，0向我下晝返office果陣，同事話有急事搵我，點知一入去佢地己經set好生日蛋糕，仲有生日卡比我，搞到我高興之餘仲有d感動，多謝安排呢一切既同事。

夜晚大學同學聚會兼預祝生日，多謝Karin一直以來為大家做搞手，記低晒我地一班懶人既生日兼做聯絡，亦多謝佢地送既筆同朱古力。

終於一口氣update完呢兩個多月既大致情況，我既精神力都差唔多用完，下次先再update啦…