IVE好友2月之星生日會

2月19日

自上年九月入讀IVE夜校以來，最大收獲不在於"學到野"(我諗我地班冇邊幾個會咁諗)，而在於認識到一班相當0岩key又好玩的同學。

曾和不少同學仔傾過，大家也相當認同，來讀夜校，或多或少，總會抱著些"過客"心態… 但出乎意料，班中的同學仔相當投契，有時甚至"熱情如火"… 令原本枯燥無味的夜校生活倍添趣味：消夜、火車團、打藍球、燒野食、唱K睇戲、睇展覽、玩通頂、除夕倒數，去海洋公園、玩Killer、打機打牌、還有每月之星的生日會，節目之豐富，實和小弟之中學生活有得比…

每每與友人說起IVE的夜校生活，總會和中學的校園生活掛鉤，當中包含的是一種久違了"些嘩嘩"得來又搞笑好玩的感覺，有時只要整班聚在一起，不用特地做些什麼也相當高興熱鬧，這也是我上面所說的"最大收獲"。

說回生日會，一如以往的熱鬧，而身為二月之星一員的我因工作關係而未能與一眾兄弟姊妹及雀友儘早會合，但同學亦不減熱情，以熱烈之"歡呼"聲迎接小弟，再配合同學L及R的"體貼"招呼，令小弟工作之勞累一掃而空，滿有"賓至如歸"之感。緊接有集體遊戲時間：UNO Attack、"dum"手、Bingo、大力版cum綿胎、飛行棋等應有盡有，當中尤以同學R玩"dum"手玩到手紅都堅持參與之專業精神及同學B玩Bingo玩到成為5"灌"王(灌5碗水，有次仲係熱水加曲奇餅)最為人津津樂道…

間場還有天才表演時間，由同學C獨唱配以同學L的鋼琴獨奏，實乃05年音樂界一大發現。玩樂完畢就進入由Pizza Hut全力贊助之大食會時間，而壓軸有全晚重點所在 - 生日慶祝儀式。

儀式由同學R伴以生日蛋糕進場開始，與此同時場中響起一遍同學雄厚又悠揚之生日歌聲(此乃05年音樂界另一大發現)，而在高漲之情緒下，同學一片之歡呼聲中，小弟與另一2月之星Kan進行許願、吹蠟燭及切餅等大會指定動作，而接著的驚喜是收到附上同學親筆祝福及"墨寶"之生日咭，已記不起有多少年沒收到生日咭了，在此多謝各位同學的一番心意，當中的一字一筆(如左擁右抱、財色兼收等)，小弟定必銘記在心… 而在"餅"過三巡，一片杯盤狼藉之後，整個二月之星生日會也完滿結束。

在此鳴謝以下單位(排名不分先後)：
場地提供：索朗豪庭
大會酒水：大食會由Pizza Hut獨家贊助
滾水由索朗獨家贊助
牛油曲奇由阿比獨家贊助
生日蛋糕由喪威獨家贊助
音樂總監：索朗、趙子、沙膽Rae
PS2技術總監：高達VS Z高達部門 – 加利、展超
Winner Eleven部門 – 趙子、安佛里、展超
集體遊戲技術總監：Uno Attack部門 – 子龍
飛行棋部門 – 家志
Bingo部門 – Kan、加利
麻雀技術總監：Annie、家志、Kan、索朗、阿K、阿B
大會攝影：展超、子龍

05年第一個"感動位"

2月13日

大學老死補祝生日，目的地係朋友0向長洲既屋企，打牌打機當然唔少得，生日蛋糕當然都有，但最最最驚喜同精彩既地方就係個蛋糕係大學朋友Karin親手做既Tiramisu，好感動~

特別嗚謝花心思、花功夫整呢個咁好食既蛋糕，仲要運埋個蛋糕入長洲既Karin。我呢個人好多時都唔多識表達自己既感受，雖然當日成日都好似"sa sa滾"、玩玩下咁，但其實呢份係我最鍾意既生日禮物，亦都係我近來最開心、最感動既事，多謝晒~ 除左蛋糕，當日仲收到今年第一份收生日禮物，多謝晒你地~

叔叔

2月11日

中學老死團拜，相當熱鬧既一日。食下野、打下機、睇下相、有朋友結婚既"精彩"video睇之外，仲首次收到同輩既利是，感覺怪怪…但當然照收啦，意頭嘛~

不過當朋友連女都生埋，我地一眾朋友榮升叔叔，感覺仲怪…

寂寞的人有福了

2月14日

寂寞的人三大難過時刻：聖誕、生日、情人節。這些日子你會特別寂寞、特別想人陪，特別想拍拖… 慶幸上年尾能成功調整自己的心情，再加上各方好友幫助，令我今年的聖誕與生日，甚至除夕都不再苦惱。

眼看情人節將至，心態上已預了沒有節目，"食自己"算了，反正心態已調整好，也不會感到寂寞。但世事往往出人意表，2月13日晚好友邀請我於情人節當晚與她的朋友們食飯睇戲。

一向怕"生保"的我起初還有點猶豫，但後來還是決定出席，一餐輕鬆好食的上海菜，一套比預期悶了些少的"魔間行者"，這樣就結束了2005年的情人節，也令我成功渡過這三大難過時刻，在此謝過朋友這個非常體貼的安排。

一年容易又生日...

回想上年心惰沈重而難過生日, 今年絕對可以說是"鯉魚翻身"...

雖然心情說不上興奮莫名, 但能將上年的擔子放低, 以一個平靜的心情迎接生日, 原來也是一件相當幸福的事...

另外一種幸福就是能放開手上密麻麻的工作, 放一個長假...

而最大的幸福是來自朋友的祝福, 一句句"生日快樂", 提醒我原來身邊還有不少朋友支持, 多謝~