Precious Moments

11 Oct 08 + 15 Oct 08

Because of you.

得...得...得償所望~

開心到震!!!!!

撲左一個星期, 終於比我0向yahoo找到良心買家, 以一個超合理的價錢買到陳綺貞演唱會飛…
雖然要一個人睇, 但能入場聽陳綺貞唱live, 對我這個fans黎講就已經係一種幸福…

期待聽live的旅行的意義, 到時見!!!

雙面人

這天工作上遇上唔醒目仲要懷疑我既"合作伙伴", 立即毫不猶豫地加重語氣...

但當帶比我這幾年最大屈辱的"朋友"打電話來認衰時, 之前腦海排練很多次的"鬧人對白"卻變得吞吞吐吐, 心軟得好像還要自己為他找下台階...

"妖! 阿康, 你冇野下話?"
鬧自己反而咁果斷, 連我自己都好憎自己...

08日本敗家之旅 – 京都篇 Part 1

由於想慳兩晚酒店錢, 今次我地就選擇坐通宵巴士上京都, 用一整日既時間行京都, 然後又坐通宵車返東京。

我地大概11點幾左右上車, 第二朝5點幾就去到京都。雖然我呢個屯門仔好應該習慣0向巴士度訓, 但唔知點解今次就"燒鬚", 訓下醒下咁, 訓得唔係太好... 而當巴士到達京都之後, 我發覺隻腳又開始痛, 而且比之前仲要痛, 痛到要拐下拐下咁行...

由於我地去到只不過係五點幾, 當時太陽都未出, 凍到傻, 而我0向呢個又凍又痛既情況下, 當然要搵個地方避一避先, 但五點幾基本上咩餐廳都未開, 唯一落腳既地方就係火車站既售票處, 仲要係冇櫈既售票處... 但果陣已經痛到連行都成問題, 唯有坐0向地下休息休息, 希望休息完就好番, 而C就去check check市內觀光巴士時間...

原來架巴士要七點幾先有, 即係話我地要hea成兩個幾鐘先可以開始今日既行程... 再加上我隻痛腳, 想四圍行都唔得, 就算行, 外面又凍, 地下街既鋪頭又未開... 呢兩個幾鐘對我黎講真係好漫長...

"開啦~ 開啦~"

時間係上午七點幾, 開既係一間叫Subway既快餐店, 而今次係我咁大個人以黎第一次會因為一間快餐店開鋪而開心同感動... 0向Subway飲啖茶, 食個飽後, 就正式開始我地既京都之旅。

咁隻痛腳呢? 都唔理得咁多, 照行, 唔通坐Subway坐成日咩?

我地坐車去到八板神社附近落, 接著就由八板神社開始行。唔知係未間神社真係咁有靈氣, 行行下又唔覺痛... 清涼既上午、古色古香既舊建築、寧靜既環境，真係一個好適合散步觀光既setting, 人都醒神d!

八板神社

行完八板神社, 下一站我地就去到清水寺。相比八板神社, 清水寺就"游客區"好多, 沿途行上去既二板街同生寧街就係手信熱點, 手信同食既鋪頭多到冇朋友... 而去到清水寺參觀就要比入場費, 之後裡面有求籤、平安御守、姻緣石、仲有小食店, 各式各樣配合遊客既需要, 想唔跌錢都難...

個人唔好呢d八卦野, 所以都係齋睇, 但最後面對小食店, 始終都要失守... C叫左個紅豆湯湯圓, 我就叫左紅豆甜品加抹茶, 紅豆好甜, 但有抹茶送就0岩0岩好, 甜品雖然好食, 其實我最鍾意個境多d, 好有驛站休息feel...

紅豆甜品送抹茶

Hea住食同嘆茶, 好Relax囉~

食完野, 我同C決定兵分兩路, 各自去自己鍾意既地方... 佢就選擇參觀其他古建築, 而我, 就選擇留守二板街同生寧街"血拚"...

不認不認還需認, 鍾意行街買手信多過參觀, 我真係一個Shopaholic...

清水寺名物 - 神砂, 圖右為C比大家既Cross reference

08日本敗家之旅 –東京篇Part 3

Day 6 今日既重點節目係下晝去國立競技場睇Xerox Super Cup, 戲碼就係鹿島鹿角對廣島三箭, 鍾意鋤強扶弱既我當然做反派支持三箭啦...

雖然之前02世界杯都去過日本睇波, 現場睇氣氛係好, 但由於大部份都係觀眾而唔係fans, 支持既熱烈程度都係差d... 但今次就好唔同, 兩隊都有自己fans, 當介紹球員果陣, 一面fans會大力搖旗喝彩, 另一面fans就會噓聲四起, 淨係睇佢地好投入咁打氣都抵...

成個球場"紅當當"

黎到球場, 即刻有兩大驚喜, 驚喜一係估唔到坐咁前, 我第一次坐咁近球場睇波(大概第5行左右啦), 好好mood...

而驚喜二就係: 點解個球場會咁...... 細既? 粗略估計, 個場同旺角場差唔多大...

講番場波, 雖然場係細d, 但都冇損我睇波既興致, 而且場波足足有4個入球, 法定時間大家打成2比2, 要PK戰定勝負, 最後就由小弟支持既三箭12碼以4比3勝出, 我當然開心啦, 開心既仲有一班三箭fans, 班職球員仲好識做咁走去果邊慶祝, 氣氛好到不得之了... 但估唔到, 睇波之後就係我地獄"行"程既開始...

國立競技場位於澀谷區, 理應同購物熱點澀谷好近, 而我同朋友C都打算去行行睇睇, 於是就決定行去購物區, 其實球場附近都好靜局, 好適合散步, 行吓影吓相hea吓都係一個唔錯既地方, 行左大半個鐘左右, 我地就到左青山區, 然後就係表參道, 但對呢兩度d大牌潮牌興趣不大, 於是就繼續行去原宿...

去到原宿果陣, 我地成程行左大概個零兩個鐘, 接著就係掃鋪時間, 行左竹下通好多細鋪, 結果朋友C就冇斬獲, 我就買左件白Polo恤... 行完原宿, 其實個人都有d莫莫地, 不過我地又搵唔到地方落腳食飯, 於是就決定行埋去澀谷, 橫掂都係一個車站既距離者, 但結果都行左成半個鐘, 行到澀谷既旺區, 基本上我已經又餓又攰, 隻腳都唔聽使...

最後我地搵左間好舊好細既麵鋪食拉麵加抄飯set, 都幾好食, 但食完之後, 隻左腳就開始隱隱作痛... 心諗應該行行下就會冇事, 而且去到澀谷, 點可以唔行一轉? 於是就照掃澀谷, 行完就去東京站轉夜車, 去我地下一站 - 京都。

好有風味既舊麵鋪

行行下就會冇事? 之後原來愈行愈大件事… (待續)

08日本敗家之旅 –東京篇Part 2

Day 5 是日為血拼日, 地點係海濱幕張站既Garden Walk Outlet
http://www.31op.com/makuhari/foreign/index_tw.html

以下係戰利品:
日本隊藍色長袖波衫 – 2625YEN
日本隊白色短袖波衫 – 2625YEN
黑色有帽外套 – 2350YEN
啡色仿皮外套 – 4620YEN
淺啡色New BALANCE - 3654 YEN

我諗我真係有d做shopaholic既潛質, 事關去完海濱幕張之後, 我地就去上野食拉麵加陳婆豆腐(其實即係麻婆豆腐)飯既lunch set, 而我0向呢個一袋二袋既情況之下, 仲堅持行完成個上野既鋪先番酒店, C當然唔同我癲啦...

是日晚飯"第一站"係新宿某迴轉壽司店, 但因為質素太差, 食左幾碟就轉場去松屋食牛肉飯... 但就不幸比我撞到旅行中最唔想遇到既人 – 香港人...

我都知0向歌舞技町浦會好容易撞到香港人, 不過真正撞到的話又真係好冇癮, 食食下野聽到佢地成家人你一句我一句廣東話, 松屋都變成蕉葉咖哩屋... 食完飯又係打棒球+夾公仔, 然後就返酒店...

成日反而最正係0向Mos Burger食既早餐, 先唔講日本既Mos係未好食過香港, 淨係訓飽之後舒舒服服坐0向冇咩人既Mos食老早, 果種holiday mood同"他條"既感覺, 香港就絕對體會唔到, 而且香港仲要排隊排到傻, 咁你話邊個好食d啦?

08日本敗家之旅 – 長野篇Part 3 + 東京篇Part 1

Day 4 今日係我地長野既last day, 天氣係自我地黎到之後最好既, 陽光普照(最後我塊面仲曬到甩皮), 但因為要預半日落東京, 所以得半日滑...

好天到呢...

最後我地就試埋一條長既滑雪道, 呢條滑雪道都幾盞鬼, 盞鬼在佢彎道特別多, 有d仲幾急, 又有連續髮夾彎, 都幾"頭文字d"0下... 比起超級斜既速度感, 落山片彎又係另一種風味, 相當過癮... 可惜唔夠時間玩多次...

滑0下滑0下, 時間好快就過, 最後我仲滑到連snowboard安全扣條帶都整爛埋, 但好在已經係最後一個山坡, 捱埋滑埋呢段就0岩0岩好返到去酒店, 而去counter還架生之餘, 當然要自動投案啦, 接待哥哥好好人, 冇同我計(又一件好人好事), 之後就換衫退房...

偏偏呢個時候我又烏龍王上身, 將個0急既鎖匙鎖左入0急, 最後搞到要爆0急取匙(好在我用既布0急, 用硬0急既話應該都好大鑊), 擾攘一輪之後我地就坐"專車"出巴士站鬆人...

專車接送

坐左個幾鐘巴士落山, 去到長野既專車站又好好彩比我地夾到去池袋既車0岩0岩開, 我地諗都唔諗就上左車, 結果我地0向市中心留左半個鐘都冇就離開啦, 雖然時候短, 但好在都比我影到以下呢張"正野"... (後補)

搭車果陣又唔多覺眼訓, 咪聽下mp3, 忽然身痕想寫底呢幾日發生既事(其實我都知自己冇記性, 唔寫低一定唔記得)... 望見窗外既風景, 聽住陳綺貞既"旅行的意義", 又寫下野咁, 忽然好有"向世界出發feel", 人都moody d...

但車程成2個幾鐘, 邊感性得咁耐? 好快脆我又投向睡魔既懷抱...

去到池袋, check in埋都已經8點幾, 拿拿臨放底野去新宿食飯, 因為捱左幾日杯麵, 今餐我地決定豪d, 去左新宿蟹道樂舊店食全蟹宴, 菜單見下:

蟹刺身, 勁鮮甜! 十個好食!!! 凍蟹腳
炸蟹腳加日式燉蛋

燒蟹腳, 好惹味!!!

蟹腳紙火煱 蟹壽司 唯一同蟹無關既綠荼雪糕

餐廳環境

飯後就係我地黎東京既重點節目 – 打棒球, 仲有我既個人重點節目 – 夾公仔, 但不約而同, 兩個節目都出現嚴重失準既情況...

打棒球由於成兩年幾冇打, 基本上全冇手感可言, 頻頻miss, 最慘係仲影埋片, 比朋友C恥笑...

打棒球失準, 4GAME120球埋單都只係1000YEN, 都叫做有限數... 但夾公仔失準就大鑊囉,簡直令我大出血... 雖然整體黎講D景物唔係特別吸引, 但一來技癢, 二來藉口想夾D手信返去, 咁就中招...棒球都話打左幾日搵返手感, 但夾手仔夾幾日就夾到我個荷包五朥七傷, 成個Trip我應該使左接近4位數去夾公仔, 但最重要係夾唔得多果下慘嘛...

是日滑雪路線: 蓮池+丸池+Sun Valley+高天天原+Giant Course

08日本敗家之旅 – 長野篇Part 2

Day 3 起身發覺今日好鬼大雪, 坐吊車果陣d雪係咁吹埋黎, 凍到塊面都硬晒軚, 上左山之後都仲未知驚, 仲去影相同片...

雖然大雪, 但上最高山頂既纜車竟然有開, 梗係拿拿臨上左去先算啦, 而一上到去就更加感受到大風雪既厲害, 如果能見度10係滿分既話, 山頂應該係3分左右... 最精彩係我地係冇任何相應既裝備, 好似風鏡同面罩咁, d風就係咁兜口兜面吹埋黎... 兩個字 - 硬食!

一場上到山頂, 點都要滑佢一滑, 於是我地就照去啦, 但由於小弟著Snowboard 手腳慢, 同行既朋友C就先行一步, 加上勁差既能見度, 佢好快就"消失"左…...

可能係大風雪既關係, 果陣身邊係一個人都冇, 眼鏡就比d雪打到白濛濛一片, 諗住除眼鏡會好d, 但反而仲衰, d雪就好似沙咁吹埋黎, 就連眼都撐唔大, 最後唯有照帶眼鏡上陣...

山頂雪道既另一特色係冇保護欄, 一滑錯就大吉利是架啦... 於是只好慢慢用龜速前進, 其間滑兩下又跌一下, 一個人心寒身又寒, 加上又唔知要滑幾耐先落到山... 此情此境, 都ok無助0下, 不其然令我諗起Silent Hill(Konami著名驚慄動作遊戲)...

無助還無助, 但都要焗住上, 就0向呢個時候, 我既"希望"終於出現 - 就係一塊寫住10字既牌, 佢令我知道, 我仲有9個Check Point要捱, 當下即刻call劍聖上身, 一路講"我要戰鬥"(詳見香港武俠cult片 – 風雲之雄霸天下), 一路落山...

9, 8, 7.... 3, 2, 1, 辛辛苦苦, 終於都落到山, 見返個fd, 大家都比風雪吹到不似人型, 連隨去toilet執執個人再滑多一陣就散水... 而坐巴士返去酒店果陣, 由於我地冇咁多散錢, 司機又冇得找, 最後佢就唔收我地錢, 雖然唔係咩大數目, 但0向外地遇見呢D好人好事, 果種感覺真係so good... 返去之後又係溫泉+hea+杯麵, 然後又一day啦...

當日其實都發生單小意外, 事緣我同朋友C準備坐吊車時, 小弟既Snowboard "卡"到地, 連隨打中我膝頭, 痛左一陣, 但之後滑又唔覺有問題, 咪冇理佢...

但後黎先知都幾大鑊, 幾乎搞到我邊度都唔使去... (待續)

是日滑雪路線: Sun Valley + 蓮池 + 丸池 + 一之瀨 + 燒額山頂

感恩

21.5 Thanks God, the only bad news is from Chelsea...

悼念伍晃榮先生

Miss you, R.I.P.

Happy Easter 2008

復活節有假放固然開心, 但更精彩的是這假期與朋友的聚會, 先在21號與大學朋友聚舊, 大家0向阿Ken屋企大擦由Karen主理, 勁好味"私房菜", 飲飲酒, 吹吹水, 好快就過左相當好氣氛既一晚, 個人好享受這種casual gathering的感覺。

22號就大伙兒先去Eddie屋企探我地文陰社既2號B – 林穎孜小姐, 然後就去左屯門容龍豪擦海鮮, 當晚飯局由我地既食家阿超打骰, 正所謂行家一出手, 便知有沒有, 結果食到我地個個直豎母指, 最搞鬼係大家一路食一路讚, 十足十拍美食節目咁, 唔知情既分分鐘會以為我地係媒… 食還食, 當然吹水搞笑擺人上枱等"指定動作"樣樣齊, 再加上美食當前, 氣氛真係幾High, 食完番到屋企都仲回味緊…


上菜啦~

08日本敗家之旅 – 長野篇 Part I

經過上年韓國悶出鳥來既行程及被硬似石屎地既滑雪場折磨後, 今年同朋友決定改往日本"止痕", 地點就係位於長野縣既志賀高原滑雪場。

當日一去到就見識到日本機場既"名物" - 特慢入境效率… 排隊排到傻之後, 就直接由機場坐車去長野既酒店落腳, 我地大概由下晝4:30出發, 中途就0向一間大便利店停車補給, 再去到酒店已經係夜晚9:45分… 中間就係訓訓訓同打"Kill Time王" - NDS度日…

Settle down後就去左酒店(其實叫旅館可能合適d)既大浴場加室內風呂(個名幾好聽,其實咪即係室內熱水池, 不過佢開左隻窗, D冷風0向出面吹入黎, 一冷一熱個感覺都幾爽架…)浸一浸, 然後就杯麵當晚餐, Day 1就咁就過左啦…

當日印象最深刻就係便利店買既麵包好好食, 我分別買左咖哩冬甩同蜜瓜包, 個蜜瓜包勁正, 面果層好似菠蘿包既皮有我最鍾意既"假蜜瓜"味, 而裡面就係有假蜜瓜味, 味道較甜, 口感類似蓮蓉既餡, 可惜只係買左一個, 之後都冇機會食到… 殘念…

Day2一早訓醒食完老早就立即進行我地今次日本之行既主菜 - 玩snowboard, 冇玩成年, 手硬腳硬失手跌低就難免架啦, 而當第一次跌低之後, 我就即刻笑左出黎... 唔係傻左, 係因為好放心好開心, 所以忍唔住笑左出黎... d雪靚到呢, 好似跌落棉花度咁, 同上次韓國塊石屎地差成十萬八千里, 所以之後就算係跌, 都係"笑住跌"…

朋友C"訓身"示範D雪有幾深...

而且因為滑雪場好大, 仲係平日既關係, 人影都唔多隻, 搞到好似包場一樣, 想點滑就點滑, 完全唔使避"雪糕筒"(其他滑雪既人既總稱), 加上天氣又唔差, 簡直就係prefect setting, 唔開心就假…

歡樂既時光真係過得特別快, 走左幾個場, 滑下滑下就已經係4:30既收場時間, 而因為呢邊場冇Night Ski既關係(呢樣其實都幾失預算), 再加上我地住0向山上既滑雪酒店, 附近除左幾間旅館之外就只有雪…去長野市中心既車就只開到傍晚, 而且要坐成個半鐘… 基本上除左有電話打之外, 成個setting就同金田一裡面既"殺人舞台"差唔多(冇車, 好凍, 走唔甩)…

酒店四周... 靜過鬼...

而我地就要0向呢個舞台裡面由5點鐘開始hea, 主要節目係浸溫泉, 食零食, 食晚飯, 睇電視, 轉台, 玩NDS, 同眠一眠, 至於重點節目就係去附近一間旅館既小賣部shopping… 結果hea到11點幾就訓左啦…

是日晚餐係合味道既Chili Tomato杯麵, 呢個杯麵真係好好食, 蕃茄加少少辣既湯底好好味, 強勁推介, 可惜香港冇得買Y…

合味道Chili Tomato杯麵, 好好食

Part II 繼續...

The Mist- 好戲!!!

5星推介!!! 必睇!!!

"本片結局不尋常地出現令人不安以及極端的諷刺, 泉湧的悶鬱久久未能消除。好戲。"

(東TOUCH - 謝挺)

殘念

"未考前就得4成信心合格, 考左後覺得有5成機會合格。"

這是我日本語能力測驗後對自己表現的評價。

"不合格 NOT PASSED"

這是今天收到日本語能力測驗的成績。

雖然已有心理準備會肥, 但原來有心理準備的打擊還是蠻傷的…

不甘, 屈辱, 忿怒, 怨恨, 感慨等等負面情緒即時湧起, 雖然我極想自己能接受現實, 但原來我只是接受到"好運地扶轆PASS"這個不切實際的妄想…

心灰之下, 打給同是讀日文的兄弟匯報同"呻", 可惜未能找上…

鬱悶的心情未能宣洩, 看著電話, 卻發覺我原來無人可找…

那一刻的打擊, 絕對比得上打開成績的那一剎…

殘念…

一夜 vs 兩句

預料之內的一夜, 但仍然耿耿於懷 vs 意料之外的兩句, 但仍然感動至今

醒覺, 但還未從容面對 vs 遺憾, 但還得接受現實

還能期待什麼 vs 不會期待什麼

愛得瘋癲想吐 vs 愛得專一想逃

在你附近的遙遠 vs 在你遙遠的附近

可惜不是你 vs 感激我遇見

No. 7 vs 普通朋友

林夕開的玩笑@七友 - 梁漢文
"白雪公主不多 認命扮矮人的有太多個　早有六個
多我這個不多　我太好心還是太傻" vs

李思菘的一針見血@聽說愛情回來過 - 林憶蓮
"有一種想見不敢見的傷痛 有一種愛還埋藏在我心中
我只能把你放在我的心中"

I'm stuck again

08日本敗家之旅番外篇 - 世事難料

香港 - 東京 - 長野 - 東京 - 京都 - 東京 - 香港

完美的旅程, 難料最後還加多一站屯門醫院...

旅程最後兩天連搭兩晚夜車上京都及回東京, 睡的不好, 本想回家睡餐飽, 難料回港第一覺竟在醫院睡, 而回港吃的第一餐竟是醫院的早餐...

但值得慶幸的是, 本以為旅行後第二天要返工好慘, 卻"名正言順"地換來一天病假...

這才叫世事難料吧...

Lost in Translation · Stuck on Birthday

今年生日心情有點怪怪的, 開心嗎? 也不盡是... 失落嗎? 也不算是... 平靜嗎? 但胸口總有一種鬱悶的感覺... 本想以《Lost in Translation 迷失東京》的"Lost"去形容這種心情, 但誤打誤撞下, 卻找到了片中一句更應景的對白:

"I'm stuck."
(Scarlett Johansson – Lost in Translation)

而在這段心情複雜的期間, 收到朋友們的生日祝福與支持, 也直接令自己的"正能量"增加不少, 在此謝謝Maggie, Joy, Shirla, Karlee, 阿基, Andy, Karen, Karin, Ken, Victor, 皓娟, 嘉明, Bonnie, Edith, Mandy (排名當然不分先後啦) !

答案2

"係咁架啦... 好出奇呀?"

(愈大鑊愈快樂 - 黃子華 )

8.2.08 我的生日歌

"生日快樂　我對自己說　蠟燭點了　寂寞涼了
生日快樂　淚也融了　我要謝謝你給的　你拿走的一切"

(祝我生日快樂 - 周杰倫)

08年第一個驚喜 + 感動位

25.1朋友Z約左班好耐冇見既朋友K局, 和以往一樣, 大伙兒吹吹水, 唱唱k, 氣氛相當輕鬆愉快。而近來因聽得多上篇所講既歌既關係, 於是就點左周董既《祝我生日快樂》唱, 點知佢得視聽版不單止, 仲要冇字幕, 唯有死死地氣停唱, 但佢跟著無啦啦接左首英皇版既生日歌, 我第一時間既反應係 - 「吓, 買一送一? 點解《祝我生日快樂》之後整首生日歌咁搞鬼? 」點知呢個時間經理拎個蛋糕入黎, 我咪跟著大家唱, 仲問大家邊個生日, 點知佢地話係同我慶祝...

「吓!?」

因為呢個驚喜黎得太快太突然(兀?), 我當場呆左半秒, 然後再問「真架? 我兩個星期後先生日播...」,但我見過多半秒都冇人認頭, 我就知原來佢地真係唔係講笑...

真相大白之後果下我真係好鬼驚喜同excited(甚至可以話係over excited), 成個人high到暈... 我想同"主謀"講, 呢個驚喜真係"入晒", 多謝你!

0向度又要老土地多謝David, Joe, Kenneth, Maggie, Ms Chan Chan, Shirla, Tak, Zoie (排名跟字母排, 唔好話我大細超啦). It's really a wonderful night to me!!!

08年第二三四五首喜歡的歌

新不了情
作詞：黃鬱　作曲：鮑比達　唱：楊宗緯 (原唱：萬芳)

心若倦了　淚也乾了　這份深情　難捨難了
曾經擁有　天荒地老　已不見你　暮暮與朝朝

這一份情　永遠難了　願來生還能再度擁抱
愛一個人　如何廝守到老　怎樣面對一切　我不知道

回憶過去　痛苦的相思忘不了　為何你還來　撥動我心跳
愛你怎麼能了　今夜的你應該明瞭　緣難了　情難了

雨天
詞:小寒 曲:李偉菘 唱：楊宗緯 (原唱：孫燕姿)

站在十字路的交點 該怎麼走 我卻只想回頭
除了你給的傘 我再也沒有別的藉口 去擁有你的什麼

你能體諒我有雨天 偶爾膽怯你都了解
過去那些 大雨落下的瞬間 我突然發現
誰能體諒我的雨天 所以情願回你身邊
此刻腳步會慢一些 如此堅決 你卻越來越遠

牽手和分手來自同一雙手 作回朋友 我卻悔恨不懂挽留

你能體諒我有雨天 偶爾膽怯你都了解
過去那些 大雨落下的瞬間 我突然發現
誰能體諒我的雨天 所以情願回你身邊
此刻腳步會慢一些 如此堅決 你卻越來越遠

是否太晚 路已走遠 我的眼眶淚太滿 走不回你身邊

你能體諒我有雨天 偶爾膽怯你都了解
過去那些 大雨落下的瞬間 我突然發現
誰能體諒 我的雨天
此刻腳步會慢一些 如此堅決 你卻越來越遠

可惜不是你
作詞：李焯雄　作曲：曹軒賓　唱：楊宗緯 (原唱：梁靜茹)

這一刻突然覺得好熟悉 像昨天今天同時在放映
我這句語氣原來好像你 不就是我們愛過的證據

差一點騙了自己騙了你 愛與被愛不一定成正比
我知道被疼是一種運氣 但我無法完全交出自己

努力為你改變 卻變不了 預留的伏線
以為在你身邊 那也算永遠
彷彿還是昨天 可是昨天 已非常遙遠
但閉上我雙眼 我還看得見

可惜不是你 陪我到最後 曾一起走卻走失那路口
感謝那是你 牽過我的手 還能感受那溫柔

那一段我們曾心貼著心 我想我更有權力關心你
可能你已走進別人風景 多希望也有星光的投影

努力為你改變 卻變不了 預留的伏線
以為在你身邊 那也算永遠
彷彿還是昨天 可是昨天 已非常遙遠
但閉上我雙眼 我還看得見

可惜不是你 陪我到最後 曾一起走卻走失那路口
感謝那是你 牽過我的手 還能感受那溫柔
感謝那是你 牽過我的手 還能溫暖我胸口

祝我生日快樂
作詞：鄭中庸　作曲：周杰倫　唱：楊宗緯 (原唱：周杰倫)

我知道傷心不能改變什麼 那麼讓我誠實一點
誠實　而沒有不能控制的宣洩
只要關上了門不必理誰

一個人坐在空蕩包廂裡面 手機讓他休息一夜
難　想切割切掉回憶的畫面
眼淚不能流過十二點

生日快樂　我對自己說　蠟燭點了　寂寞涼了
生日快樂　淚也融了　我要謝謝你給的　你拿走的一切

還愛你　帶一點恨　還要時間　才能平衡
熱戀傷痕　畫面重生　祝我生日快樂

眼利的你會發現這些全都是楊宗緯翻唱的歌，楊宗緯是誰? 在這裡不花篇幅說，只要上yahoo或維基百科一找就知，但更建議的是上youtube找，聽聽這位出自星光幫，現在爆紅的台灣歌手演繹這些歌曲，你或者會像我一樣欣賞他以及他那把充滿感情的聲音...

至於歌曲的排序正是按個人口味以先後排列，當中新不了情更是聽到我毛管直豎 - 我想自聽《突然而來的愛情故事》(東京愛的故事主題曲@小田和正)的多年之後，這首歌令我再一次尋回這種久違了的被歌曲感動的感覺... 當然，如果你像我一樣有看超級星光大道的話，看到那個畫面，了解之前楊宗緯比賽的情況的話，那種感動的感覺就絕對更強烈...

其實超級星光大道(第一屆)實在是一個非常精彩的音樂比賽，除楊宗緯外，其他的星光幫成員如林宥嘉, 盧學叡及潘裕文我也蠻欣賞，下次再另文詳談吧...

08年第一首喜歡的歌、詞

歌 - 氧氣
作詞：許常德 作曲：黃怡 唱：盧學叡

沉入越來越深的海底 我開始想念你 我好孤寂
跌進越來越冷的愛裡 我快不能呼吸 我想要你
人活著賴著一口氧氣 氧氣是你

如果你愛我 你會來找我 你會知道我 快不能活
如果你愛我 你會來救我 空氣很稀薄 因為寂寞

跌進越來越冷的愛裡 我快不能呼吸 我想要你
人活著賴著一口氧氣 氧氣是你

如果你愛我 你會來找我 你會知道我 快不能活
如果你愛我 你會來救我 空氣很稀薄 因為寂寞

就像第一次聽曹格唱《Superwoman》(原曲王菲《多得他》)一樣，經重新編曲後的《氧氣》(原曲范曉萱《氧氣》)，給人一種眼前一亮的感覺，再配合盧學叡的唱功及精彩演繹，輕易成為08第一首令我喪煲mp3的歌。


詞 - 洋蔥
作詞：阿信（五月天） 作曲：阿信（五月天） 唱：楊宗緯

如果你眼神能夠為我 片刻的降臨
如果你能聽到 心碎的聲音
沉默的守護著你 沉默的等奇跡
沉默的讓自己 像是空氣

大家都吃著聊著笑著 今晚多開心
最角落裡的我 笑得多合群
盤底的洋蔥像我 永遠是調味品
偷偷的看著你 偷偷的隱藏著自己

如果你願意一層一層一層 的剝開我的心
你會發現 你會訝異 你是我 最壓抑 最深處的秘密
如果你願意一層一層一層 的剝開我的心
你會鼻酸 你會流淚 只要你能 聽到我 看到我的全心全意

聽你說你和你的他們 曖昧的空氣
我和我的絕望 裝得很風趣
我就像一顆洋蔥 永遠是配角戲
多希望能與你 有一秒 專屬的劇情

如果你願意一層一層一層 的剝開我的心
你會發現 你會訝異 你是我 最壓抑 最深處的秘密
如果你願意一層一層一層 的剝開我的心
你會鼻酸 你會流淚 只要你能 聽到我 看到我的全心全意

08年第一首喜歡的詞, 是種很容易令人"領野"的詞, 雖然當中某些地方實在令我有"角色投射"的衝動, 但我想我還是可以對"詞"不對"人"吧...